ஆரம்பத்தில்
தான் நடிக்கும் ஒவ்வொரு படங்களிலுமே தலா ஒரு பாட்டு வீதம் பின்னணி பாடி
வந்த விஜய், பின்னர் பாடுவதில் ஆர்வம் காட்டவில்லை. ஆனால் துப்பாக்கி
படத்தில் கூகுள் என்ற பாடலை பாடினார். அது சூப்பர் ஹிட்டானது. அதனால்
அதையடுத்து தலைவாவில் வாங்கண்ணா வணக்கங்கண்ணா, கத்தியில் செல்பிபுள்ள என
தொடர்ந்து ஹிட் பாடல்களாக பாடி வருகிறார்.
இந்த நிலையில், தற்போது அட்லி இயக்கத்தில்
நடித்துள்ள ‘தெறி’ படத்திலும் ஒரு பாட்டு பாடியிருக்கிறார் விஜய்.
செல்லாக்குட்டியே -என்று தொடங்கும் அந்த பாடல் விஜய் ரசிகர்களால் பெரிதும்
வரவேற்கப்படும் என்று அப்படத்தின் இசையமைப்பாளர் ஜி.வி.பிரகாஷ்
தெரிவித்துள்ளார். அதோடு, வருகிற 20-ந்தேதி தெறி ஆடியோ வெளியாகும்
நிலையில், தற்போது செல்லக்குட்டி பாடலின் சில வரிகளை தனது டுவிட்டரில்
வெளியிட்டுள்ளார் அவர்.
செல்லக்குட்டியே
ஒண்ணே ஒண்ணு கண்ணே கண்ணு செல்லக்குட்டியே
ஐபார் யூ, யூ பார் மி சேர்ந்தாக்க சுனாமி
யூபார் மி, ஐ பார்யூ சேர்ந்தாக்க ஐ லவ்யூ, செல்லக்குட்டியே…
இந்த பாடல் வரிகளை ஜி.வி.பிரகாஷ் வெளியிட்டதை அடுத்து ஏராளமான விஜய் ரசிகர்கள் அதற்கு லைக் தெரிவித்து வருகிறார்கள்.
Post a Comment